(ولادة حب )

بقلم أختكم:دروب المحبة..



(بسم الله الرحمن الرحيم)


السلام عليكم هذه أول قصة أكتبها وأبي رأيكم فيها بصراحة لأني معتبرتكم مثل أخواني وصدقوني رأيكم دائما راح يصير مفيد لي

وهي بعنوان (ولادة حب )

يله نبتدي


نبذة عن الشخصيات.



(عائلة أبو خالد)

أبو خالد: رجل قوي الشخصية كلمته وحدة ما تتغير وما أحد يقدر يخالفه في رأيه.

أم خالد: حرمه يحبها الكل.
خالد: شاب عمره 24 سنة يحب سمر بنت عمه.
سارة: بنت عمرها 25سنة تحب سعد ولد عمها.
أحمد: طفل عمره 4 سنوات.
أمل: بنت عمرها 18سنة تدرس في صف ثالث ثانوي.
(عائلة أبو سعد)
أبو سعد:رجل شديد.
أم سعد: حرمة تحب عيالها ومدلعتهم وها الشيء يضايق أبو سعد.
سعد: شاب عمره 26 سنة يحب سارة بنت عمه.
سمر: فتاة عمرها 20سنة تحب خالد ولد عمها.
طلال:شاب عمره 19سنة مخلص من سنة تعرف على شلة تأخذ المخدرات وصار مثلهم.
سوسن: فتاة عمرها 27 سنة متزوجة لها شهرين.
(عائلة أبو عبد العزيز)
أبو عبد العزيز: رجل طيب و حكيم.
أم عبد العزيز:شديدة على عيالها .
عبد العزيز: شاب وسيم عمره 25سنة.
رهف: بنت عمرها 20سنة.
نوف: بنت عمرها 7سنوات تدرس في صف ثاني ابتدائي.
ريم: بنت عمرها 3سنوات.
(عائلة أبو فيصل)
أبو فيصل: رجال في حاله .
أم فيصل: حرمه قويه لكن حكيمه.
فيصل: شاب مطيع لأمه وأبوه ومتزوج من العنود.
العنود: زوجت فيصل وبنت خالته أمها ماتت هي وأبوها وربتها أم فيصل اللي تصير خالتها ومتزوجه فيصل لها شهرين.
أسماء: بنت مؤدبة وخلوقة جدا.
فهد: شاب خلوق ومملوح عمره 19.
عبير: بنت فيها من الخبال.
خلود: مطيعة لأمها وساذجة ينضحك عليها بسهولة.
وإذا باقي شخصيات راح تعرفونها في القصة
أخليكم مع الأحداث
الجزء الأول:
يوم الخميس الصبح كل أهل البيت قايمين إلا خالد اللي نام متأخر لأنه كان سهران طوال الليل مع الشباب.
سارة: يمه وين خالد غريبة ماقام مبكر مثل كل يوم.
أم خالد: كان سهران أمس وما نام إلا متأخر.
أبو خالد: السلام عليكم وين الباقين.
سارة: خالد نايم وأمل على النت وأحمد مادري وينه.
أبوخالد: روحي يا سارة يا بنتي قوميه عشان أبيه في موضوع.
أم خالد: وش الموضوع اللي تبيه فيه خليه ينام ولا ما يصلح تعلمه إلا الحين.
أبو خالد: إيه ما يصلح أعلمه إلا الحين قوميه يا سارة.
سارة: إن شاء الله يبه تبي شيء ثاني.
أبوخالد: إيه يابنتي نادي أمل وشوفي وينه أحمد.
سارة إن شاء الله يبه عن إذنك.
أم خالد: تلاقين أحمد في الحوش ناديه.
سارة: طيب يمه تامرين شيء ثاني.
أم خالد: لايبنتي ما يامر عليك عدو.
أبو خالد: وين الفطور يا أم خالد.
أم خالد: بحطه الحين انتظر.
سارة: خالد قوم يالله أبوي يبيك في شيء ضروري.
خالد: قوليله نايم.
سارة: قولتله قال قوميه قوم شوفه وش يبي منك.
خالد: طيب خلاص اسكتي بقوم.
سارة: بروح أشوف أمل وأحمد عن أذنك.
سارة تدق على غرفت أمل: يلا أنزلي.
أمل: أن شاء الله.
سارة: بروح أشوف أحمد ياويلك لو مانزلتي فاهمة.
أمل: خلاص طيب فهمت.
سارة تنادي على أحمد : تعال بسرعة عشان تفطر وماحد رد عليها نادت ثاني بصوت أعلى وماحد رد عليها سارة وهي تصارخ وينك يا أحمد رد علي أمي وأبوي يبونك رد وماحد رد عليها .
سارة وهي تركض داخل: يمه يبه ماحد رد علي أحمد ماهو في الحوش وينه.
أم خالد: توني أشوفه يطلع وين راح دوري عليه زين.
سارة: دورت وناديت وما في أحد رد علي يبه روح دور عليه في الشارع.
خالد وهو نازل: خير وش صاير ليش كل ذا الصراخ.
سارة: دورت على أحمد ومالقيته روح شوفه في الشارع.
خالد: إن شاء الله بطلع الحين.
وطلع خالد يدور على أحمد.
خالد: وينك يا أحمد رد علي وما في أحد رد عليه.
فجاءه يلمح رجل طفل
ويركض ويشوف أحمد جالس يصيح يشيله ويشوف رجله مجروحه.
خالد: أحمد حبيبي أيش فيك.
أحمد: خالد .
خالد: ايه أنا خالد ليش تصيح؟
أحمد: وأنا ألعب مع أصحابي شفنا قطوه .
خالد: وبعدين وش اللي صار؟
أحمد: كلهم هربوا وأنا جيت أركض طحت وانجرحت وتوزيت ورا الكرتون هذا.
خالد: طيب خلاص لاتصيح.
أحمد:طيب.
خالد:يلا على البيت.
أحمد:يلا.
في بيت أبو سعد:
سعد: يمه أبي أتزوج.
أم سعد: مين إن شاء الله.
سعد: حرمه.
أم سعد: ادري اقصد بنت مين؟
سعد: مادري أنتي دوري لي على بنت طيبه وزينة.
أم سعد:يصير خير إن شاء الله.
طلال وهو نازل :يمه وأنا بعد دوري لي على وحده.
أم سعد: أول خلص دراسة بعدين نتفاهم.
في بيت أبو عبد العزيز:
عبد العزيز: يمه وين أبوي؟
أم عبد العزيز:في المجلس.
عبد العزيز:وش يسوي؟
أم عبد العزيز:مادري أسأله.
عبد العزيز:طيب أنا طالع .
أم عبد العزيز:في حفظ الرحمن.
عبد العزيز:في حفظ الكريم.
في بيت أبو سعد:
سعد وهو يكلم أبوه:علمتك أمي البشارة؟
أبو سعد:ايه مين تبي تاخذ؟
سعد:مادري هي راح تدورلي.
أبو سعد:الله يوفقك.
سعد:امين.
في بيت أبو خالد:
أحمد:يمه وين الحليب؟
أم خالد:حاضر جايه انتظر.
أحمد:بسرعة أبي أنام.
أم خالد:خذ هذا هو.
أحمد:شكرا.
في بيت فيصل:
العنود:يافيصل تعال تغدى.
فيصل:حاضر ياعمري.
العنود: شلون الدوام معاك؟
فيصل:زين ماشي تبين اليوم تمرين مكان؟
العنود: ياريت إذا ماكان فيه تعب عليك.
فيصل:أبدا أنا أستانس إذا إستانستي.
العنود: الله يخليك لي ياعمري وياحياتي.
فيصل: شوي شوي علي تراني ماأتحمل.
العنود: عن الإستهبال تراني أستحي.
فيصل:حاضر ياقلبي.
في بيت أبو فيصل:
أم فيصل وهي تكلم أم خالد:أشلونك ياوخيتي من زمان ماشفناك؟
أم خالد:الحمد الله طيبه مو ناقصني إلا شوفتك.
أم فيصل: واليوم بتشوفيني.
أم خالد بفرح: تشرفين ياعمري.
أم فيصل:إن شاء الله نكون موجودين عندكم العشاء.
أم خالد:خلاص بقول للعيال عشان مايطلعون.
أم فيصل:يلا مع السلامة.
أم خالد:مع السلامة.
راحت أم فيصل لأم خالد وجلسوا يسولفون وهم مستانسين لأنهم من زمان ما شافوا بعض وعلى الساعة وحده راحت أم فيصل ووعدوا بعض أنهم مايفترقون كل هاذي المدة مرة ثانية.
طلال يدق على حنين صديقته ماترد عليه قام وأرسل لها مسج:
(مساء الخير ياضحكة عمر أنا أغليها)
قامت حنين أرسلت له:
(مساء الورد ياشمعة عسى الله لايطفيها)
قام أرسل:
(ليش ماتردين علي؟)
قامت أرسلت:
(وليش أرد المسج أزين)
قام أرسل:
(أبي أسمع صوتك)
قامت أرسلت:
(طيب أتصل وأنا أرد)
طلال أتصل وردت:السلام عليكم.
حنين:نعم وش بغيت؟
طلال:ردي السلام أول يا حياتي.
حنين:وعليكم السلام هلا طلال وش بغيت؟
طلال:بغيت الجمال بغيت الدلال بغيت الغزال مالقيت إلا فيك.
حنين:طلال لاتتغزل فيني تراني أستحي.
طلال في نفسه واضح:إيه ما شاء الله الحياء واضح.
حنين:نتكلم مسج أزين.
طلال:على راحتك.
حنين:مع السلامة.
طلال: مع السلامة.
طلال يرسل مسج: (أنا تعلمت الهوى تحت يمناك)
حنين: (درست معنى العشق حسب إختياري)
طلال: (مابيك تعشقيني ولكني أبيك لاجارت الدنيا تصيرين إنتي جاري)
حنين: (وش فيك قلبتها أشعار؟)
طلال: (جنني حبك متى أشوفك؟)
حنين: (كم مرة قلتلك ماقدر أشوفك)
طلال: (بس هذا مايصير أبي أشوفك ياعمري)
حنين: (تعال البيت وأنا تزوجني وأنا أخليك تشوفني)
طلال: (طيب مع السلامة)
حنين: (مع السلامة ياحياتي ولا تزعل)
وش راح يصير في القصة؟
وهل راح يشوف طلال حنين؟
هذا راح تعرفونه إذا تابعتو القصة لا تحرمونا من ردودكم.





http://www.msa7a.net/up/uploads/70b33ea6e4.gif (http://www.msa7a.net/up)

لا ماشالله بداية موفقه...يعطيس العافية ...ومتابعه لتس

مشكوره ياقلبي بصراحه تونست بردك علي واوعدك بكملها لك بس بعد ردود اكثر









http://www.msa7a.net/up/uploads/70b33ea6e4.gif (http://www.msa7a.net/up)

طيب انا بكملها لمهره لأنها الوحيده اللي ردت علي



وصراحه توقعت ردود اكثرر ومتابعين اكثر لكن تحطمت يوم مر يومين ومافي ردود جديده



التكمله في الرد الجاي


http://www.msa7a.net/up/uploads/70b33ea6e4.gif (http://www.msa7a.net/up)

الجزء الثاني:
أبوخالد ينادي بصوت عالي: خالد خالد.
خالد:طيب يبه جاي.
أبوخالد:بسرعة راح نتاخر على الرجاجيل.
خالد:أي رجاجيل؟
أبوخالد:أبوعبد العزيز وولده.
خالد:طيب.
خالد وهو مع أبوه في السيارة: خير يبه ليه رايحين؟
أبوخالد:نخطب.
خالد: نخطب لمين؟
أبو خالد:لك.
خالد:لي من قال إني أبي أتزوج؟
أبوخالد:أناقلت.
خالد:بس أنا مابي إلا سمر بنت عمي أبو سعد.
أبوخالد:مافي إلا رهف.
خالد:طيب وإذا قلت مو موافق وش راح يصير؟
أبوخالد:لاأنت ولدي ولا أنا أعرفك.
خالد ماحب يجادل أبوه لأنه مريض:خلاص على راحتك.
وصلوا البيت ودخلوا المجلس وسلموا على أبو عبد العزيزوولده.
رهف:يمه مين دخل مع أبوي؟
أم عبد العزيز:أنتي وش دخلك روحي غرفتك أزين.
رهف بملل:طيب.
خالد علم عمه بالموضوع وقال عمه نسأل البنت ويوم سألوها قالت بفكر.
خالد يكلم أبوه وهو في السيارة:خلاص أرتحت يبه؟!
أبو خالد:ماراح أرتاح إلا إذا وافقت عليك.
خالد:راح توافق.
أبو خالد:الله يسهل.
في بيت أبو سعد:
كانت أم سعد تسولف مع بناتها وجابت لهم طاري خطوبة رهف من خالد ولما عرفت سمر ماتحملت وركضت على غرفتها تصيح اختها سوسن خافت عليها وركضت وراها تشوف وش فيها وطقت الباب وماحد يرد عليها وطقت الباب مرة ثانية وماحد رد عليها قامت نزلت تحت وقالت في نفسها يمكن تعبانة شوي ويوم جاى الغداء مانزلت وياهم فخافت الأم على سمر عشانها مانزلت وتتغدى وياهم قامت تناديها ماحد رد عليها راحت نادت أخوها سعد عشان يكسر الباب كسر سعد الباب وشاف منظر يروع.
شاف أخته وراسها يصب دم كثير قام وشالها وحطها في حضنه ونادى طلال عشان يتصل على الإسعاف اتصل طلال على الإسعاف وجت وخذت سمر وسوسن مرتاعة وخايفة على أختها.
في بيت أبو عبد العزيز:
الكل مشغول في أشياءه فجاءه دخل أبو عبد العزيز ونادى رهف يوم أنزلت سألها عن رأيها في الزواج من خالد هي وافقت ومااعترضت.
دق أبو عبد العزيز على أبو خالد:البنت موافقة .
أبوخالد بفرح:نجيكم اليوم عشان نشوف متى الملكة والزواج؟!
أبوعبد العزيز:خليها الأسبوع الجاي أحسن.
أبوخالد:خلاص يلا مع السلامة.
نروح للمستشفى عشان نشوف وش صار لسمر؟؟؟؟!!!!
في المستشفى دخلوا سمر قسم الضماد عشان يخيطون راسها 10غرز وبعدين حولوها على قسم المخ طلب الدكتور أشعة بس ماتصلح لين تفوق وتشيل الخياطة والشاش.
اليوم الثاني قامت سمر وسألوها وش تحس قالت راسي تعورني ورجعت معاهم البيت وقالوا لها تجي تفك الشاش يوم الجمعة الجاي قال لهم سعد خلاص وفهم سمر بأنها راح تسوي أشعة على راسها عشان يطمنون وجا يوم الجمعة وسوت سمر الأشعة وقالولهم سليمة مافيها شيء والجرح خلى أثر بسيط يروح مع الوقت.
في بيت أبو فيصل:
العنود:يا فيصل تعال كلم أمك.
فيصل:جاي وش بغيتي يمه.
أبو فيصل:بغيتك تروح تشوف أبوك للحين ماجا.
فيصل:يمكن في المسجد يمه.
أم فيصل:ماأدري ياولدي.
فيصل:بروح أشوفه.
شوي وانفتح الباب ودخل أبو فيصل.
فيصل:هلا أبوي وين كنت؟!
أبو فيصل:شفت جارنا وقفت اسولف معها.
أم فيصل:وليش ماعلمتني روعتني عليك.
أبو فيصل:لوكنت أدري أني بشوف جارنا كنت علمتك.
فيصل:خلاص يبه صار خير.
أم فيصل :بروح أسويلكم الغداء.
فيصل: وأنا بطلع أشوف العنود.
أبوفيصل: مابقى إلا أنا بروح أنام وإذا خلص الغداء قوموني.
أم فيصل:إن شاء الله.
في بيت أبو خالد:
أبوخالد يكلم خالد:متى تبي الملكة ياولدي؟!
خالد:لوعلي ماأبي أملك أصلاً.
أبو خالد:مو خلصنا من الموضوع هذا وش ذكرك فيه؟!
خالد:يبه ما أبي أتزوج لا تغصب علي.
أبوخالد: ماراح أرجع في كلمتي مع أبو عبد العزيز.
خالد:سوي اللي تبي تسويه.
أبو خالد: بس لاتفشلنا قدام الناس.
خالد:إن شاء الله.
أبو خالد:نخلي الملكة والدخلة في يوم واحد.
خالد:كل ذا مستعجل.
أبو خالد:خير البر عاجله.
خالد:اللي تشوفه أنا طالع أنام بغيت شيء.
أبو خالد:لاسلامتك.
في بيت أبو سعد:
سوسن:يمه وين الباقي؟!
أم سعد:أبوك نايم وطلال بغرفته وسمر نامت عشان تعبانه وسعد يمكن في غرفته.
سوسن:طيب وأنا بعد بطلع أنام (ملاحظة:سوسن عايشة هي وزوجها مع أمها في نفس البيت).
أم سعد:ليش خليك جالسة معاي شوي.
سوسن:لايمه تعبانه وودي أنام.
أم سعد:براحتك.
طلال في غرفته يكلم حنين:ها وش قلتي بتطلعين؟!
حنين:منب طالعة وياك إلا إذا تزوجتني.
طلال:كل ماقلتلك تعالي أطلعي معي قلتي تزوجني طيب ماقلت شيء بتزوجك بس أول شيء أشوفك.
حنين:لا أخاف.
طلال:مني؟!
حنين:إيه.
طلال:ماتثقين فيني؟!
حنين:إلا بس الحذر واجب.
طلال:بقابلك في مكان عام كيف أسويلك شيء؟!
حنين:أخاف تسوي فيني شيء وما تاخذني لمكان عام.
طلال:أشلون يعني كل هذي عدم ثقة إذا كنتي ماتثقين فيني قبل الزواج أجل وش بتسوين فيني بعد الزواج؟!
حنين:لاساعة لما أصير زوجتك بصير حلالك وتسوي فيني اللي تبي لكن الحين لا.
طلال:طيب خلاص يعني آخر كلام عندك أنك منتب طالعة معاي؟!
حنين:إيه يلا مع السلامة.
طلال:مع السلامة.
طلال بعد ماسكر يقول وهو معصب شكلها هذي مب هينة ومب طالعة معي إلا بالقوة شوي ويوصله مسج من حنين يفتحه ويقرأ(مستحيل يجهل الموج البحر).
قام وأرسل لها (أو ينسى الليل القمر).
قامت وأرسلت له (أو ينكر العطر الزهر).
قام وأرسل لها(أو يمل شوفتك النظر أو أعشق غيرك بشر).
قامت أرسلت له (مستحيل يبعدني عنك أحد غير القدر).
وبعد ماقرأ كل اللي أرسلت له أرسل لها مكان بيت ورقم شقة وطلب منها إنها تروح المكان طبعاً هي قامت أرسلت له أنها ماتقدر وماراح تروح.
قام هو أرسل لها:(إذا مارحتي المكان اللي قلتلك عليه لاعاد تتصلي علي ولا تكلميني).
هي حز في نفسها وحست إنه زعل قامت أرسلت له:(متى أجي).
قال لها:(الساعة 12في الليل مناسب).
قالت له:(مناسب).
وش بيصير في قصة طلال وحنين؟!
هل بيتزوج خالد رهف؟!
كل هذا بتعرفونه في الجزء الجاي لا تحرمونا من ردودكم.



http://www.msa7a.net/up/uploads/70b33ea6e4.gif (http://www.msa7a.net/up)