السلام عليكم أحبتي اليوم مع قصيدة غزليه لشاعر يزين قصائده بكلمات بسيطه ويجعلها بعبقريته الشعريه ذات معنى جميل جداً وليس بغريب على مثل الشاعر سعد بن علوش ارجو ان اختياري يحوز على رضا الجميع و السموحه اذا فيه خطأ او نقص غير مقصود تقبلوا ارق و ازكى التحايا ...

((( إنكساري )))

إنكسرت من الفراق وشوف عيني
شوف عيني وإنت تدري بـ إنكساري

كل ما مديت لوصالك يميني
رحت تتجاهل يميني مع يساري

حتى صرت أشوف جرحك في يديني
في يديني لجور صداتك مواري

حس فيها لا بلاها حس فيني
لا تعبرها لكن رد إعتباري

وين مقفي جعل منت بمنتويني
بالجفا والخوف و أنواع العزاري

ياهلي يا نصف ربعي يا خديني
يا مواني غربتي يا روح داري

يا شموخي . يا إنكشافي . يا دفيني
يا علوي . يا بقائي . يا إنحداري

يا بداياتي . يا مائي . يا أوكسجيني
يا إندثاري . يا إعتدالي . يا إزدهاري

يا بلادة حسي وقمة حنيني
يا إختياري . لا! يا عشواء إختياري

أعشقك من عادني فـ أول سنيني
لين صرت آخذ مع نفسي قراري

من عرفتك وانت ثالث والديني
واللجوء إليك يعني لك فراري

ضمني خل الضرر بينك و بيني
والضرر من ضمتك شي إضطراري

خل يدينك من الجور تحميني
من جمودٍ يعيشني لين إنصهاري

كل ما ضاقت بعيني قلت يامعيني
إبتسمت و صار لي ليلي نهاري

فـ لاسكت تروح بالطيش تحكيني
رجعي بطبعك و بإسلوبك حضاري

ما ذبحني فيك إلا أنك تبيني
و ما سحرني إلا حكاك الاستعاري

لاحكيت أحس بـ أشياء تعتريني
و يخشع قلبي وتطريلي طواري

آعشق حكيك و أحفظه يا ضنيني
حفظ إبن تيميه لحكي البخاري

لاسكت أحط يدي في جبيني
و أرجي الله ما يطول بأنتظاري

أدري إني عندك و اسألك ويني
داري لكن ما كني بداري

لين شيطاني تلفظ كلمتيني
و رحت مني ما تبي سمع إعتذاري

لا تبكيني و تفرح عاذليني
لا تخسرني بعد كبر إنتصاري

لا تخليني بعد فيضة كنيني
و أنت خابرني على الوصل إنتحاري

لا تروح بروحتك كلٍ يجيني
ماني مكابر و لا حتى مداري

إنكسرت من الفراق وشوف عيني
شوف عيني وإنت تدري بـ إنكساري

الله يعطيــكـ العافيــة...نقلت وأجدت الإختيار....لاهنت..

مشاء الله اختي مهرة الساحل انا اعتبرك شعلة المنتدى والله يعطيك العافيه على المرور