سكران في حبه ولاني بسكران
بس الهوى خلاني اسكر بلا كاس



مشيت في دنيا الامل دون عنوان
يوم الامل غاب وتركني مع الياس



تمشي مراكب رحلتي دون ربان
وغرقت في بحره ولاني بغطاس



امشي بدرب الخوف تايه وهيمان
هايم ونفسي تشتكي ضيق الانفاس



ليت الامل يرجع معي مثل ماكان
واعيش في الدنيا مثل باقي الناس



لوعات وهموم وهواجيس واحزان
تاتيني همومي بلا حد واقياس



شفت القمر يمشي على صورة انسان
واخلف كياني وامتلك كل الاحساس



هز بشعوري له من الشوق وجدان
له في الحشا مرتع ومنزل ومجلاس



راعي الجديل المنتثر فوق الامتان
وعيون ظبي ٍ تسحر القلب نعاس



وجهه قمر خمسة عشر كل ما بان
من نور وجهه ينجلي ليل لغلاس



افرح لفرحه وازعل ان كان زعلان
وان غاب عني يدخل البال هوجاس



له في الحشا قدر ومعزه وله شان
حبه ملكني واشغل الفكر في الراس




ياليتنا نبقى ولايف وخلان
ما يعترضنا في الهوى شخص بلاس



نمشي على نور الامل قدر الامكان
والحزن لجل الحب يفنى وينداس



غالي وعندي ما يقدر بالاثمان
ترخص معه كل الجواهر والالماس



وسلامتكم
..............
منقولللللللللة

صح لسان شاعرها وبيض الله وجه ناقلها حامل الطيب طيب الذكر(حبوب) مثل طيوب بس اتمنى السهل الممتنع والى الامام الله يجعاني اشوف للك قصيده انت شاعرها واعطيك بوسه

صح لسانك والله يسلم قلبك على هالاختيار الأكثر من رائع

صح لسانك سيدي الكريم((نسناس))...

يعطيك العافية اخوي...

احسنت الاختيار..

تحياتي لك((ولد ابو متعب))...

((الدينمو))...