بسم الله الرحمن الرحيم.


الحـقـد الأبـيض..!!!

1)


كنت جالس أنا وأبوي في مزرعتنا.... ودخل علينا صديق أبوي.....

_هلا أبو أحمد..
_ أهلا أبو سليمان..
_ها يابو أحمد فكرت في اللي قلته لك...!!
_ أنا قلت لك ماني بايع هالمزرعه أبدا الين ما أموت....
هو غصب تاخذ أراضي الناس......
_ لا..لا يابو سليمان لا تفهمني غلط.....
أنا اقول ان انت كبرت في السن وأحمد توه صغير...... موب جادر يصرف امور المزرعه.....
_ هذه مشكلتي مو مشكلتك أنت......
_ طيب ..طيب... مازال راسك يااابس مثل ما عرفتك....
مع السلامه..
_ مع السلامة.


أبوي..
_نعم يا ولدي..
_ عمي ابو سليمان ليش يبي ياخذ المزرعة..
_لانه يبي يضمها لمزارعه ويسيطر هو على التجاره في هالقريه.

أقول يااحمد وش اخبار اختباراتك.....
_الحمد لله زينه ادعيلي انت بس يابوي
_ شد حيلك الله يوفقك ويسر امورك ترى الدراسه مهمه
والله الله بخوك ياسر.. شدوا حيلكم وخليكم دايم من المتفوقين .هذه وصيتي لك ياولدي
_ ابشر يابوي .......

وبعد يومين...
رحت المدرسة....
وشفت ريان صديقي من بعيد..

_هلا ريان
_هلا أحمد... سلامات وش فيك غايب أمس..!!
_ وش اخبار المذاكره الحمد الله تصدق امس ماعرفت اذاكر .....ّ!!
_ليه....!
_ ابوي قبل امس...جاه واحد ويبي يشتري المزرعه بس ابوي رفض وفي الليل تعب علينا ودخلناه المستشفى والى الان محجوز..
_ الله يشفيه ويعافيه..

ومر يوم دراسي متعب لي ماني جادر اركز كل همي كيف حال ابوي اخر مره كان كلامه معي في حزن الله يهدي الي كان السبب.....
وفوسط هالدوامه من التفكير.. قطع افكاري صوت الاستاذ..
أحمد.. أحمد خلك معنا...... )

رجعت البيت..... وانا قلبي يدق بسرعه....
لقيت خالي عند الباب ... وحوله ناااااااااااااااس كثيرين

دق قلبي....... لا لا يكون الي في بالي صار
جريت عند خالي

خالي خالي....... وش السالفه وش الي صار.....
_رفع راسه وعيونه مليانه دمووووع......
هلا احمد.... وقام يصيح....

في هاللحظه عرفت ان (أبــــوي تــوفــى)



في الحلقه القادمه تقرون ..

من جاء مكان ابوي في البيت.....!!!
وكيف انا بواجه الموقف ووشلون طريقة معاملته معنا....
تااابعوني . إبداع قلم

يارربي كل اللي اقراه محزن


ننتظر الغلا ابداااااااااااع



لا تتأخري

إبداع بداية مشوقة يالغالية

ننتظر التكملة،،

لكن أريد أعرف هل هي من كتاباتك :confused:

حبي ومودتي :smile:
/
/

احلاام سرااب

أهلا بك أخي / أختي ،، القصة مشوقة،،

وللعلم القصة هذي تمـ تمثيلها ونزلت في السوق في شريط فيديو اسمه الحقد الأبيض،، وكانت جدا مؤثرة، والعمل فعلا متقن ورااااائع،،

بوركت الجهود :)

اختي ابداع قلم

تسلمين على هذه القصة المشوقة و الحزينة في نفس الوقت


و ننتظر البقية

مشكورين على المتابعه والدخول..........

لكم مني خالص امتناني.......

أختي.......
درووووووووووووووووبي

أحلاام سرااااااااااااااااب
والاخ عاشق الخيل
والاخ أبو عبد الرحمن

تقبلو مني خالص شكري واحترامي ودمتم بخير............

2)




رحت لامي ولقيتها جالسه تصيح واخوي ياسر موب مستوعب أي شيء حتى إن ما كنت مصدق كنت حاس اني في حلم مزعج واحتري احد يقومني منه.....

مرت ثلاث ايام العزى......
والكل جا وعزانا في ابوي الله يرحمه...

وأخذت اجازه من المدرسة ثلاث ايام وما نسى ريان انه يجي يعزيني الي كان معي كني اخوه بل اكثر من الاخ الله يوفقه ....

ورجعت للمدرسه.....



وجا خالي واحد يبي يتزوج امي ويقول انه خايف علينا وعلى مستقبلنا .. ويبينا نكمل الدراسه ...!!
وكان خالي دايم ياخذ الامر بحسن نيه.. وو عد خالي ان المزرعه بتصير باسمي والبيت الي شراه باسم ياسر عشان يامن مستقبلنا..!!!!!!!



وبعد اسبوع......
جاني خالي وهو الي صار مسؤول علينا بعد وفاة ابوي الله يرحمه وقال أبيك في موضوع..
_ سم يخالي....
_ ياولدي انت مازلت صغير ...... وأمك ما تقدر تصرف عليك انت واخوك....... ولازم يكون في رجال جنبها يساعدهـ
_قاطعته مسستحيل انا انسان فاهم صح اني في المتوسط بس لا يمكن يكون في شخص اخر مكان ابوي في البيت. لا لا لايمكن..!!
_ أحمد افهنمي...
_ اسف ياخالي كنت اظن الموضوع غير كذى وقمت وانا اصيح..


وفي اليوم الثاني....

_ أحمد أحمد وش فيك من اول ماجيت وانت تعبان وحالتك حاله وش فيك . مو انا صديقك قلي يمكن اقدر اساعدك.
_ وش اقول وش اخلي ولا حتى من وين ابدى ياريان انت عارف ان مستحيل اني اقدر اتخيل في يوم من الايام ان احد يكون مكان ابوي في البيت ..... وخالي امس قال ان في واحد يبي يتزوج امي
_ وانت وش قلت
_ اكيد اني رفضت....
_ يا احمد انا عارف شعورك بس الحق ينقال وانت مهما كانت صغير ما تقدر تتحمل تعب اسره كامله
_بس يا...(قاطعني)
_فكر في الامر زين وخلي مشاعرك واحاسيسك على جنب.....



في الحقيقه كن كلام صديقي اقنعني...وعلى مضض وافقت.. وامي كمان وافقت عشانا...



سوينا العرس ..... ومشت الامور تمام والحمد الله....

بعد شهر من زواج أمي....

كنت في المزرعه انزل البضاعة الي ما بعتها ......

دخل زوج امي ( سعد)

أحمد ليه ها البضاعه راجع بها........؟
_ لاني رحت متاخر بعد مارجعت للمدرسه وكان الناس الي يتعامل معهم ابوي خذوا من واحد ثاني بسبب التاخير؟.
_ لا يا احمد ها الكلام مايصير.......... إ سمع من اليوم ورايح تودي البضاعه لناس بعدين تروح للمدرسه واضح.!!

_بس ياعمي كذا بتاخر على المدرسه
_ مو مشكلتي هذي.!!! تروح ولا ماتروح تتاخر ولا ما تتاخر... وأنا بروح اكلم مدير المدرسه
واستاذن منه انك تتاخر ساعه بعد موعد الدخول.......

اضريت اني اسكت....... وما ارد عليه





في الجزء الثالث تتعرفون على هل سيوافق المدير.. وكيف موقف ريان لما قررت اني اترك الدراسه............!!
تابعوا معي... إبداع قلم

3)

في اليوم الثاني راح عمي لمدير المدرسه

_ السلام عليكم
_ وعليكم السلام ورحمة الله وبركاته تفضل أي خدمه
_ انا ولي امر الطالب أحمد الي في ثالث متوسط..
_ أي احمد ماشاء الله ولد جدا محترم ومؤدب ... بايش اقدر اخدمك
_ ابي استاذنك انه يتاخر ساعه بعد دخول الطلاب..
_ليه
_ عنده بعض الاعمال......
_ وش ها الاعمال الي تصرف ولد عن دراسته يوميا ساعه قبل دخول المدرسه
اسف جدا لو كان الامر ساعه ليوم واحد فقط ممكن اني اسمح لك
لكن لكل الايام ويكون له دوام ثاني غير طلاب المدرسه
فهذا الي ما قدر اسمح به
لا يمكن نميز احد الاطلاب عن الاخر هذا امر ترفضه الاداره... بعدين اجل هذه الاعمال لبعدين دراسة الطالب اهم من هذه الاعمال
ولا قم انت بهذه الاعمال وخلي أحمد يتفرغ لدراسته ومستقبله.
_ رجاء سيادة المدير موب انت الي تعلمني مصلحة احمد ولا الاعمال الي يقوم فيها... ومتى ....... أنا بخليه يتاخر مالي دخل بانظمتكم وقوتنينكم.. يعني نعطل شغلنا عشانكم..!!!
_ ما يكون الا خير.!!!!!

وطلع من عند المدير بعد ما رفع صوته عليه وما حل المشكله بل زاد الطين بله.......!

في اليوم الثاني ......
رحت للسوق عشان ابيع الخضار ........ وناظرت في الساعه الساعه( 9) يالله اخذ الوقت اكثر من ساعه الحين هم في الفسحه خلاص االيوم غياب.

وانا راجع دخلت البوفيه
_ أهلا أهلا زيك يأحمد باشا... ايده انت ماروحتش المدرسه النهارده ولا ايه.!
_ ايه ياعمي محمد..
_ ليه بس ده العلم نور يابني.... وبعدين الواحد لازم ياخد شهاده عشان تنفعه ولا ايه.
_ لا لا مدرسه مدرسة ايه وخرابيط ايه .. انا قررت ماني رايح للمدرسه...!!!
ولا بدرس احسن لي اشتغل في مزرعة ابوي وخلاص..!
_ لائه يابني دى كلام واحد مش فاهم ومدرسش .....
محدش عارف الظروف بعد كده هاتكون ايه...
النهرده في مزرعه.... بكره مايكونش في مزرعه صح..!

_ اااه ...خلاص ...
2 سنديتش بيض وعصير كوكتيل بسرعه الله يعافيك.
_ حالا حالا... خد
_ شكرا مع السلامه
_ الله يوفقك ويهديك.


ورجعت البيت ونمت ونسيت الدراسه.!!

صحيت على صوت ريان ينادي.
_ هلا ريان الله يحيك تفضل..
_ هلا والله وينك يااحمد لك اسبوع ماجيت. المدرسه.
_لا خلاص ياريان انا قررت اترك الدراسه..!!!!
_ لا مستحيل يا أحمد الدراسه مهمه وبعدين وصية ابوك نسيتها........!!
_ وصيه ابوي ....لا لا مانسيتها..... بس مافي وقت ارجع الساعه 9 من الشغل... واجي المدرسه و انتم تتفسحون وانا توني جاي والاولاد يقولون وش فيه هذا...
لالا خلاص انا قررت...
وبعدين من الاساس عمي راح للمدير ورفض وطاق معه..
ااااااااااه منه ااااااه.

_ خلاص يا أحمد خلي هذه المهمه علي انا .
_كيف
_ أنا بقنع المدير,,,,,,
_ بيوافق.؟؟
_ انشاء الله.




ياترى بيوافق المدير ولا بيرفض ........؟
ووش اخر الاخبار المزعجه الي سمعتها عن عمي .......وفيه حدث مهم جدا في القصه غير مجرى حياتي..
تبون تعرفون خليكم متابعيني.. إبداع قلم.

روعه ياابداعي



انتظرك بفارغ الصبر ^_^

شكرا ........

لك درووووبي على الدخول......

ولعيونك التكمله...

شكرا لك درووووووووووووبي على الدخول.

ولعيونك التكملة.......

4)

وفي اليوم الثاني راح ريان للمدرسه ودخل على المشرف

_ السلام عليكم .
_ وعليكم السلام أهلا ريان كيفك
_ الحمد الله .. استاذ انا جايك في موضوع احمد... الي معي في الفصل...
_ ليه وش فيه احمد......
وحكى ريان السالفه كلها للمشرف..
_ طيب انا بكلم المدير.. خلك هنا نص ساعه وراجع...

دخل المشرف على المدير.....
وحكى له السالفه وان هذا الى جاه زوج امه وانه مانعه من الدراسه . فقرر المدير انه يوافق عشان يساعدوا أحمد..
ورجع المشرف وبشر ريان والحمد لله.

وفي مره وانا كا لعاده اروح الصباح احط البضاعه واخذ الفلوس واروح على المدرسة.

حطيت البضاعه عند واحد من الزباين.. وقلت يلا بسرعه عطيني الفلوس عشان ماتاخر.
_ اسف احمد
_ على ايش ...!! ما معك فلوس الحين .... ممكن بكره اخذها عادي..!
_ لا الفلوس موجوده والحمد لله....
لكن عمك وصاني اني ما اعطيك الفلوس .. هو بيجي وياخذها.!!
قلت ليش .. هو خايف اني سرقها وبعدين ها الفلوس موب له ها الفلوس لي انا وامي واخوي ياسر ليه ليه..
وطلع عشره ريال من جيبه ومدها لي.. بس انا عطيته ظهري وتركته وقلت ما بي منة احد.!

ومريت على البوفيه ونادني (عم محمد )
دنا عملتلك سندويتشين خرافه ..!!
سفهته كني ما سمعته ورحت...




وانا كنت جالس اذاكر في المزرعه جا زوج امي
_ احمد ليش ما نزلت التمر من النخل كل مره اقولك الي لازم تسويه وبعدين معك ....
_ اسف ياعمي كنت بس بخلص هالدرس واقوم
_ انت ولد ما تستحي.... عذر اقبح من ذنب...........!!
( واخذ العصا الي كانت جنبه) وقام يضربني ضرب قوي الى ان ضربني ضربه في اخر ظهري..............!!
وجلست اتألم وخاف هو.... ونادى الاسعاف على طول ...
ودخلوني المستشفى...!!


جا خالي مسرع ويقول يا سعد وش فيه أحمد...
_ لا ابد مافيه شيء... الله يهديه أحمد كم مره قلت له لاترقى فوق النخل وهو يقول الا برقى وها المره رقا وطاح على ظهره.....!!!
انشاء الله تكون طيحه بسيطه... بس طبعا انا خفت عليه وجبته هنا بسررررررررعه .

_ الله يجزاك خير ويوفقك.

وطلع الدكتور.

مين منك ولي امر أحمد..

قال زوج أمي.
_ أنا ابوه وامه أنا عيونه .....طمنتي ها انشاء الله بسيطه

_ اسف جدا ا..... السقوط كان قوي وللا سف اني ها قولك ان اصيب (بشــلــل ربــاعي)........!!!!!!!!

_ انا لله وانا اليه راجعون لا حول ولا قوة الا بالله وسوه نفسه انه يصيح ....!!

وأول ماسمع ريان اني في المستشفى........

جاني على طول.....

ودخل علي وهو معه باقة ورد..
وقهوه وحلا ...يبي ينسيني الي انا فيه واخذ يصبرني ويواسيني

ويقول" ان الاعاقه مو اعاقة الجسم الاعاقه اعاقة العقل"...
الله يحفظه ويخليه لي يارب.

وانا محجوز في المستشفى
دخل علي الدكتور .

_ السلام عليكم ازيك ياحمد
_ طيب . والحمد لله..... دكتور ممكن اسألك سؤال.!
_ اتفضل.
_ اعاقتي هذه مو ممكن انشفي منها
_ باذن الله وانشاء الله ييسر لك
_ دكتور انا ماني صغير..!! تتضحك علي ...
لا تحط عندي امل في شيء مستحيل اوبعيد انه يتحقق حلك صريح معي...!!
_ اسف ياحمد .مادام انت عايز الصراحه .. للا سف ..( لا )....
_ انا ماتمالكت نفسي وجلست اصييح والدموع على خدي كنها مطر وكل ما اذكر اني بظل طول عمري جالس على كرسي أصيح وأدعوا ربي انه يشفيني وياخذ حقي من اللي كان السبب.


بعد ما أصيبت بالشلل الرباعي.. كيف بيكون موقف عمي..
وهل هو بيسال علي في المستشفى.؟ ويكفر عن ذنبه..
تابعوني.......إبداع قلم

انتظرك ابداعي


متاابعه وبقووووه




لا تتأخري ^_^

يسلمووووووووووووو

درووووووووووووبي
على التواجد

تقبلي فائق احترامي...

5)



وانا جالس في المستشفى

راح خالي للبيت ودق الباب
طلع له عمي (سعد)
_ هلا والله
_ هلا فيك
_ أقول ياسعد ليه ماتروح عند احمد ولا تخلي امه تروح عنده عيب عليكم خلاص رميتوه
_ لا والله بس انا تعبان شوى بعدين امه جالسه عندي موب فاضيه وهم بالمستشفى يرعونه.‍!..
_ لا حول ولا قوة الا بالله ..حتى القهوه والحلى بدل ما انتم تجيبونها له وتواسونه يجيبها له ريان.. واحمد كل ما اروح له يقول لي ابي اشوف امي....
_ يوووووه احنا مو ملزومين فيه وبعدين هو جالس في المستشفى يتعالج مو يوسع صدره...!!!
شوفله أي جمعيه معاقين يروحها.....!!!!!!!!!!!!
_ حسبي الله ونعم الوكيل حسبي الله ونعم الوكيل.

ولما طلعت من المستشفى....

اول واحد لقيته كان خايف علي اخوي ياسر.......


وفي مره كنت جالس في المزرعه
ولقيت مع زوج امي نفس الرجال الي كان يقول لابوي بيع المزرعه.

ودخل وشافني
_ والله يااحمد كبرت من زمان ماشفتك وهو يضحك....!!
_ وش تبي الحين بعد ما مات ابوي بسببك ...... مافي مزرعه وما ني بايعها.!!!

ضحك زوج امي.......
_هو على كيفك انت يا احمد تبيع ولا ماتبيع.....!!
_رجاء ياعمي لاتخليني ارفع صوتي في مزرعة ابوي......
_ لا لا تقول مزرعة ابوي ...
_خلاص المزرعه الحين لعمك أبو سليمان.............!!
_مازال راسك يابس مثل أبوك...
_ ما لك دخل بابوي ... ولا تجيب على لسانك سيرته..
_ أقول ياريان تراك زتها عاد
يلا لعد اشوفك انت وكرسيك هنا.... فاااااهم هههههههههه!!!

طلعت وانا ما ادري وين اروح من الصدمه الي انا انصدمتها.!






تشاهدون عفوا تقرؤون في الحلقه القادمه.. وش قررت انا واخوي ياسر......(.جزء جدا مهم في القصه لا يفوتكم.) .
مع خالص التحيه..إبداع قلم

متاابعه الغلا



انتظر



لا عدمناكِ

متابعة من حين إلى حين :smile:

مودتي
/
/

احلاام سرااب

شكرااااااااا

لكن غالياتي


ولعيونكم التكملة

6)
وانا امشي في الشارع .. لقيت واحد عنده خلل في عقله شوي ماشي جنبي
قالي._أحمد كيفك
_ الحمد لله
_يوه وشذا انت ما ما تقدر تمشي..
_ايه والحمدلله
_ لا يضيق صدرك ياأحمد وش رايك تعطيني عقلك واعطيك رجليني..ّ!!!
أنا الحين كل كل ما أروح في مكان يقولون هذا مجنون هذا ماعنده عقل ... أنا أحس ان الي عنده عقل أحسن من الي عنده رجلين..
_ تردد داخلي كلامه " الي عنده عقل أحسن من الي عنده رجلين..."

وراح وتركني
وانا تتردد الكلمات جواي الي عنده "عقل أحسن من الي عنده رجلين"

وانا راجع على البيت...

سمعت صوت عالي طالع من بيتنا...
أسرعت...
ودخلت الغرفة لقيت زوج امي يضرب اخوي ياسر.....!!!!!!

في هاللحظه ما قدرت امسك نفسي وقفت قدامه عشان احمي اخوي منه

واخوي يصيح ويقول ابعد لا يكسر شيء فيك ثاني.!!

قام يضرب فيني بعدين طلع..

انا ماقدرت استحمل.....
ناظرت اخوي وقلت له: انا قدرت استحمل كل شيء الا ان احد يمد يده عليك ... وهذه وصية ابوي لي اني انتبه لك..
انا يا ياسر قررت اني اهرب من البيت.!!!!
أهرب من ها لجحيم الي احنا عايشين فيه.!
_ وامي بانتركها.!؟
_ مكتوب علينا في ها الدنيا نفارق ابوي .. ورجلي.. وكمان امي......!!!!!
في الليل بعد ما الكل ينام.. بنروح .
_ خلاص.


ياترى بتنجح خطتنا للهروب من القريه.......!! وكيف صار حالي بعد عشر سنوات..............!!!!! ما اطول عليكم تابعوا معي........

متابعة.....!
/
/

احلاام سرااب

متاابعه غاليتي




في الإنتظار

يسلمووووو

درووووووبي

أحلام سراب على المتابعه...

شكررررررررااااا

يسلموووووووووووو

درووووبي
أحلام سراب

على المتابعه.

7)





وجاء الليل...
ولمينا اغرضنا ........
ورحنا,......

تركنا البيت وتركنا امنا بسبب قسوة زوج امي علينا......
رحنا للمدينه......
وكافحنا من أجل ان احنا نعيش.........!!

وبعد عشر سنوات.........

_اولا بسم الله الرحمن الرحيم انتم عارفين ان احنا اجتمعنا هنا عشان نحل قضايا المعاقين ونشوف متطلباتهم وحقوقهم
والان بسمع منكم بايش ممكن تقترحون علينا.....


قال واحد من الحاضرين
_ اقترح ان احنا نوفر لهم مكان للعيش مناسب .
ورد الثاني
_ انا اعتقد انك تعطيهم اموال.....
وقال ثالث
_ وش رايكم لو وضعناهم في مدارس داخليه




وأضاف الرابع
_ عفوا .. مع احترامي لكل الحاضرين انا اقول ان المعاق ما يحتاج سكن ولا يحتاج مال ولا يحتاج مدارس داخليه لان كل هذه الاشياء فقط تنفعه وهو صغير..!!
المعاق يحتاج حرفه او مهنه تدربه عليها عشان لما يكبر يقدر يعتمد على نفسه هذه من وجهه نظري انا..

قال الرئيس انا معك..يا أستاذ( أحمـــد ) وخاصة انك ممن جــرب وعــانى من ها الشيء واقتراحك جدا مهم.

ولما خلص الاجتماع..


دخلت مكتبي وكنت جدا مشغول لاني عندي اجتماع بعد ساعه... وقلت لسكرتير حقي .. أنا مشغول لا دخل احد عندي

دخل رجل على السكرتير وقال:
_الاستاذ احمد موجود..
_نعم
_ايش عمله الحالي
_هو مدير قسم حاليا
_ممكن اقابله..
_اسف هو الان مشغول .. تبيه في شيء مهم
_ تقريبا قوله صديقك( ريــان)
_طيب دقيقه من فضلك.

دخل السكرتير (طق طق)
_السلام عليكم..
_هلا علي .. خير في شيء
_اسف استاذي على ازعاجك بس في واحد مصر انه يشوفك..
_قوله اني مشغول..
_قلتله يقول اني صديقه من زمان.!!
_صديقي.. من زمان... قالك وش اسمه..
_يقول انه ريان..
_ريان....!!!!!!!! خليه يدخل بسررعة.

دخل ريان..

ولما شفته ماتملكت اعصابي دموعي نزلت حنيت له وحنيت لذكريات الي كانت بينا بس ما حنيت لامي ولا حتى لزوجها ّ!!
قالي: يا احمد انا جايك في كلمتين ومستعجل
_ليش مستعجل لازم تجي لبيتي عازمك على الغدا ..
يا (علي) اجل الاجتماع لبكره قولهم حصل امر طارئ.

ركبنا السياره ودق الجوال
هلا( ام يــاســر) ... طيب طيب.

_ماشاء الله ياأحمد والله وسويتها قبلي..
_الحمدلله عندي الان ( يــاسر ...... وأمـــل)

سميته ياسر على اسم أخوي وسميتها أمل لان الامل موجود دائما.!!





وصلنا للختام...... هل بقدر انسى ورجع للبيت وللقريه.....

الجزء القادم هو اخر جزء من القصه.......

تابعوني وتعرفوا النهاية

تقبلوا خالص احترامي..... إبداع قلم...

راائعه غاليتي



في انتظاره بشووق

8)

النـــــــــــهايــــــــــــة


ودخلنا المجلس وجلسنا وتغدينا......
بعدين قلت لريان ها يارايان وش الموضوع الي جاي عشانه.

_يا احمد امك تعبانه وودها تشوفك ماتنام .. تدور عليك..
_ليش ووين عمي..
_عمك الحين تعبان مو قادر انه يخدم نفسه عشان يخدمها..
_الحين تطلب مني ارجع لها ..!
انا عارف انها امي...
لكن وينها يوم يكسر ظهري زوجها !
ووينخا لماكنت في المستشفى!
ووينها لما تعب اخوي ياسر لمارجعنا الى القريه بعد ماهربنا !
كانت حرارته مرتفه و(مــــااااات) بسبب ارتفاعهاوما لقى احد يعتني به..!!
تقدر تقولي وين كانت.. وبعد كل هذا تقولي ارجع...!

_لا... يا أحمد كانت ظروفها تجبرها ومهما كان هي امك......




المهم ان قلبي ما طاوعني ورحت للقريه مره ثانيه

ودخلت الغرفه الي جالس فيها زوج امي..

دخلت لقيته كبير شايب وجهه متجعد وتعبان وحالته حاله
ناظرته ودار في عقلي كل الي سواه قدامي......

(المزرعه..كسر ظهري وخلاني مشلول بسببه.. ضرب اخوي...الخ)

قال تعال ياولدي
تعال اقرب خلني اضمك.!!
انا عارف اني ماسويت فيك قليل............!!!!!!
ما ابي منك شيء الا انك تسامحني بس....
وخذ امك معك..

نا ظرته
ولفيت وصديت عنه

.. وبعدين تذكرت
(والكاظمين الغيظ * والعافين عن الناس *والله يحب المحسنين)




لا شعوريا مسكت يده وركبته هو وامي في السياره ورحنا المدينه وعشنا حياتنا حياه هنيه والحمدلله.

أ.هـ


هذه القصه في شريط فيديو بعنوان الحقد الابيض..


تعقيبا على الحقد الابيض......

انهت القصه وانتهت معها معاناة انسان كافح من أجل العيش .. قاوم ظلم من حوله ...
لم تنسه مراراة الايام انه مهما تكدرت الحياة فهناااك..أمــــــــــــــل..
ومهما تعكرت المياه فلايزال هناك نبع صافي ينضب منه الماء العذب...
وأن الدنيا كما ان هناك فيها رجل مثل زوج أمه (سـعد)..
ففهيا رجل مثل..صديقه..(ريــــــــــان)

فكن انت ريان ولا تكن سعد.!!

تعلم منها معنى" الحــقد الابيـض ".......!!

وكيف ان قلب المرء مهما امتلاء حقدا على شخص فانه سرعان مايزول .. عندما يحتاج اليه الشخص..
هذه هي قلوب المؤمنــين .....(تصفح ..تنسى... تساعد)



والسلام عليكم ورحمة الله وبركاته.
أي انتقادات او اقتراحات انا جاهزه شكرا للمتابعه ...
وفقكم الله.


بقلم: أختكـ إبداع قلم ــم

هذه هي قلوب المؤمنــين .....(تصفح ..تنسى... تساعد)

طرح رائع

أخيتي الغالية

ننتظر مزيداً من الإبدااااع

أتمنى أن يكون بالقريب العااجل!!!

مودتي
/
/

احلاام سرااب

أهلا ........

أحلام سراب..........

مشكوره على التواجد..........

وإنشاء الله يكون في القريب العاجل جديد......!!!


تقبي خالص ودي..

اسفه على التأخر تووني انتبهت للنهاايه



القصه جداً راائعه


وتفريغك لها ارووع


وتعقيبك سليم

بالإجمال كلامك كله ابدااع ماشاء الله


في انتظار جديدك المميز دائماً

إبداع قلم طرح جميل
متابعين لك
\
/
\
/
نترقب جديدك القادم دمتي بخير

http://www.qahtan.net/vb/uploaded/7932_026.gif

مشكوره ابدع القصه مرى رائعه
وموثره والاستفاده منا كبيره أخرت الضلم والتسامح
وماتفعل الصيه في ولد بار والصداقه والامل وكثير من الدروس

شكرا لكن غالياتي:

دروووووووووووبي...

نبض الامل...

حنونه.......

على الدخول والمتابعه......

وتقبلوا فائق حبي واحترامي.